गांव वाले मन के समस्या मन के होही समाधान - संस्कृति मंत्री श्री बघेल

गांव मन म जनसंपर्क यात्रा कर शिविर म संघरिन संस्कृति मंत्री श्री बघेल
प्रधानमंत्री उज्ज्वला योजना ले 12 पात्र हितग्राही लाभान्वित
29 ल मिलीस डिजीटल साक्षरता प्रमाण पत्र
राष्ट्रीय परिवार सहायता योजनांतर्गत दू हितग्राही लाभान्वित



बेमेतरा 16 मार्च 2018। जिला के विकासखंड बेमेतरा के ग्राम मोहरेंगा म 14 मार्च के दिन आयोजित लोक समाधान शिविर म कलस्टर ले संबंधित ग्राम पंचायत अर्जुनी, बालसमुंद, घठोली (ब), खैरझिटी, कुसमी, मोहरेंगा, मुनरबोड़, नवागांव (ख), पौसरी, बगौद ले मिले 3589 आवेदन पत्र के विभागवार निराकरण अधिकारी मन ह पढ़के गांव वाले मन ल सुनाइन। शिविर म प्रदेश के सहकारिता, संस्कृति अउ पर्यटन मंत्री श्री दयालदास बघेल नवागढ़ विधानसभा क्षेत्र के ग्राम पौसरी, धनेली, घठोली, बगौद, बोरिया, नवागांव अऊ मोहरेंगा म जनसंपर्क यात्रा करके लोक समाधान शिविर म संघरिन। ए दौरान उमन मनखे मन ले मिले समस्या संबंधी आवेदन मन म खासकर घास जमीन म घर निर्माण अऊ रोजगार गारंटी के मजदूरी भुगतान के तरफ संबंधित विभाग के अधिकारी मन के ध्यान आकृष्ट कराइन। लोक समाधान शिविर म प्रधानमंत्री उज्जवला योजना के 12 अऊ राष्ट्रीय परिवार सहायता योजनांतर्गत दू पात्र हितग्राही मन ल लाभान्वित करे गीस। उन्‍हें 29 प्रशिक्षणार्थि मन ल डिजीटल साक्षरता प्रमाण पत्र प्रदान करे गीस। खाद्य विभाग कोति ले प्रधानमंत्री उज्जवला योजनांतर्गत ग्राम मोहरेंगा के सोहद्रा बाई, स्मृति, कुंती बाई, फूल बाई, कुंती बाई, परदेसनीन सेन, चंदा बाई, रानी, सावित्री पाटिल, दुर्गा बाई अऊ ग्राम अर्जुनी के प्रमिला निषाद अऊ देना बाई ल गैस सिलेण्डर अउ चुल्हा वितरित करे गइस। अइसनहे पंचायत अउ ग्रामीण विकास विभाग कोति ले राष्ट्रीय परिवार सहायता येाजनांतर्गत ग्राम मुनरबोड़ के दुरपति बाई अऊ ग्राम पसौरी के रेशम बाई ल बीस-बीस हजार रूपिया के चेक वितरित करे गइस। मत्स्य विभाग कोति ले मत्स्य कृषक हृदय निषाद ग्राम खैरझिटी, दुखित राम निषाद कुसमी अऊ महामाया मत्स्योद्योग सहकारी समिति मोहरेंगा ल दू-दू लीटर सिम्फेक्स मत्स्य उत्पादन म वृद्धि बर निःशुल्क प्रदान करे गीस।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">


उपस्थित जनसमुदाय ल संबोधित करत संस्कृति मंत्री श्री दयालदास बघेल ह कहिन कि प्रदेश के मुखिया मुख्यमंत्री डॉ. रमन सिंह जी के सोच हे कि सरकार के योजना समाज के आखरी लकीर के मनखे मन तक पहुंचय अऊ एकर बेहतर क्रियान्वयन के संग जनप्रतिनिधि मन अऊ आम जनता कोति ले मॉनिटरिंग घलोक करे जाए। एखर बर सरकार अउ शासन अऊ प्रशासन के अधिकारी गांव वाले मन के बीच पहुंचके उंखर समस्या मन ल सुनंय अऊ सार्थक समाधान घलोक सुनिश्चित करंय। उमन कहिन कि मुख्यमंत्री जी खुदे ग्राम सुराज, लोक सुराज अऊ विकास यात्रा आदि के माध्यम मन ले योजनाओं के क्रियान्वयन ले रूबरू होए बर जनता के बीच पहुंचत हें। संस्कृति मंत्री श्री बघेल ह मनखे मन ल भरोसा देवाइन कि लोक सुराज अभियान के बेरा मिले आवेदन मन म न्यायालयीन प्रकरण मन ल छोड़के समस्या संबंधी सबो आवेदन मन के निराकरण विभागीय अधिकारी मन कोति ले करे जाही। उमन विधानसभा क्षेत्र म पाछू तीन बछर ले परे अकाल के बात करत कहिन कि ए विषम हालत म सरकार के मुख्यमंत्री खाद्य सुरक्षा अधिनियम के तहत मनखे मन ल अच्‍छा कीमत देवाए जात हे। उमन कहिन कि क्षेत्र म पेयजल बर घलोक समुचित प्रबंध शासन प्रशासन कोति ले करे जात हे। संस्कृति मंत्री ह अवगत कराइन के गांव, गरीब अऊ किसान मन के हित ल ध्यान म रखके राज्य सरकार कोति ले किसान मन ल धान बिक्री म बोनस राशि प्रदान करे जात हे। क्षेत्र के सूखा प्रभावित किसान मन के बैंक खाता म म सूखा राहत राशि घलोक पहुंच गए हे, अवइया दिन म प्रधानमंत्री फसल बीमा योजनांतर्गत प्रभावित किसान मन ल राशि देहे जाही। उमन अधिकारी मन ले कहिन कि क्षेत्र म रोजगार गारंटी योजना ले संबंधित मजदूरी भुगतान अउ शौचालय निर्माण मानदेय राशि लंबित नइ रहना चाही। उन्‍हें घास जमीन म बनाये जात घर के घलोक पुखता प्रबंध होवय। संस्कृति मंत्री ह कहिन कि क्षेत्र ले मनखे मन के पलायन रोके म मनरेगा के तहत हर एक पंचायत म स्वीकृत काम चालू कराए जाय। उमन प्रधानमंत्री योजना के पात्र हितग्राही मन ले अपील करिन कि ओ मन घास जमीन के बदला अपन आबादी जमीन म घर बनावंय। सहकारिता मंत्री ह शासन के हितग्राहीमूलक येाजना मन ल रेखांकित करत मनखे मन ल केन्द्र अऊ राज्य सरकार के योजना मन ले लाभान्वित होए के आव्हान करिन। ए अवसर म जिला पंचायत के से.ई.ओ. श्री एस. आलोक, एस.डी.एम. श्री डी.एन. कश्यप, तहसीलदार श्री अमित श्रीवास्तव, जनपद से.ई.ओ. श्री दीपक ठाकुर अउ शिविर पर्यवेक्षक सहायक आयुक्त आदिवासी विकास श्री डी.आर. भगत, जिला आबकारी अधिकारी श्री एस.एन. सिंह अऊ जिला खनिज अधिकारी श्रीमति मीनाक्षी साहू, संग समस्त विभाग के अधिकारी, जिला पंचायत के उपाध्यक्ष श्री दिलीप सिंह ठाकुर, श्री फिरतुराम साहू, श्री विकासधर दीवान संग आन जनप्रतिनिधि, सरपंच श्री रोहित पाटिल अउ पंचायत प्रतिनिधि अउ बड़ संख्या म मनखे उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments