स्वास्थ्य विभाग के कार्यक्रम मन के सफलता बर जन-भागीदारी जरूरी: श्री अजय चन्द्राकर

स्वास्थ्य मंत्री ह गोल्डन बुक ऑफ वर्ल्ड रिकार्ड बर सिकलसेल जांच महाभियान के शुभारंभ करिन


रायपुर, 22 मार्च 2018। स्वास्थ्य अउ कुटुंब कल्याण मंत्री श्री अजय चन्द्राकर ह आज इहां रायपुर के भाठागांव स्थित प्राथमिक स्वास्थ्य केन्द्र म गोल्डन बुक ऑफ वर्ल्ड रिकार्ड बर सिकलसेल जांच महाभियान के शुभारंभ करिन। श्री चन्द्राकर ह एर मौका म कहिन कि राज्य बने के बाद छत्तीसगढ़ म पहली पइत सिकलसेल जांच महाभियान आयोजित करे जात हे। उमन कहिन कि स्वास्थ्य कार्यक्रम मन के सफलता बर आम जन के सहभागिता जरूरी हे। ए अभियान म गर्भवती महिला मन अऊ तीन ले 18 साल तक के लइका मन के सरकारी स्वास्थ्य केन्द्र, आंगनबाड़ी केन्द्र म सिकलसेल जांच करे जाही।
श्री चन्द्राकर ह कहिन कि सिकलसेल महाभियान के उद्देश्य जागरूकता लाना हे, ताकि पीड़ित मनखे सही दिशा म इलाज करा सकंय। उमन बताइस कि जागरूकता के अभाव म मनखे सही दिशा म इलाज नइ करा पांवय। श्री चन्द्रकर ह मनखे मन ले स्वास्थ्य केन्द्र म सिकलसेल जांच कराए, नियमित दवई लेहे अऊ ए महाभियान म सहयोग प्रदान करे के अपील करिन, जेखर से छत्तीसगढ़ ल सिकलसेल मुक्‍त राज्य बनाए जा सकय।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments