मुख्यमंत्री अचानक पहुंचिन भैंसामुंडा के समाधान शिविर म

रायपुर, 15 मार्च 2018। मुख्यमंत्री डॉ. रमन सिंह ह आज प्रदेशव्यापी लोक सुराज अभियान के तहत कोरबा जिला के ग्राम भैंसामुंडा (विकासखंड-करतला) म अचानक पहुंचके समाधान शिविर म आम जनता ले मुलाकात करिन। उमन उहां महिला मन के स्वसहायता समूह कोति ले बने बांस के आकर्षक कलाकृति मन के प्रशंसा करत महिला मन के उत्साह बढ़ाइन। स्वसहायता समूह के महिला मन ह ओ मन ल ये कलाकृति भेंट करिन। मुख्यमंत्री ह शिविर म गांव वाले मन अऊ जनप्रतिनिधि मन के आग्रह म क्षेत्र के छै ग्राम पंचायत मन म विकास कार्य मन बर कुल तीन करोड़ 66 लाख रूपिया तुरंते मंजूर करे के घोषणा करिन। मुख्यमंत्री ह भैंसामुंडा म स्कूली लइका मन के संग बइठके भोजन घलोक करिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments