गांव-गांव म मिलत हे अपन चहेता विधायक मोतीराम चंद्रवंशी ल असीस

कवर्धा। भाजपा के जनसंपर्क यात्रा के तीसर चरण के दूसर दिन के शुरुवात संसदीय सचिव अउ पंडरिया विधायक मोतीराम चंद्रवंशी के अगुवाई म ग्राम गौरकांपा के शनि मंदिर म पूजा अर्चना के संग चालू होइस। एखर बेरा जनसंपर्क यात्रा म संसदीय सचिव मोतीराम चंद्रवंशी ह सैकड़ो कार्यकर्ता मन के जत्था के संग लालपुर, नरसिंहपुर, उदका, खैरडोंगरी, छीरपानी ले होत कोदवागोडान पहुंचिस। जेमां तीसर चरण के यात्रा के समापन होइस।
आप मन ल बता देवन के भाजपा के जनसंपर्क यात्रा के शुरुआत 11 मार्च ले करे गए रहिस जऊन सरलग एक अपरेल तक चलही। संसदीय सचिव व विधायक मोतीराम चंद्रवंशी के अगुवाई म ये यात्रा के शुरुवात ग्राम कोसमन्दा ले करे गीस। जेखर तीसर चरण सोमवार के दिन पंडरिया विकासखंड के ग्रामीण क्षेत्र के करीबन दर्जन भर ले जादा गांव मन म पहुंचचके जनयात्रा के माध्यम ले संसदीय सचिव अउ विधायक मोतीराम चंद्रवंशी ह जनता ले जनसंपर्क करिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments