मुख्यमंत्री ल झांझ ले बचाए बर किसान मन ह भेंट करिन गोंदली अऊ कलिंदर

रायपुर, 24 मार्च 2018। पुसल्दा के समाधान शिविर म पहुंचे मुख्यमंत्री डॉ. रमन सिंह ल किसान मन ह गोंदली भाजी संग कलिंदर अऊ केरा के भेंट करिन। समाधान शिविर म पुसल्दा के किसान श्री भँवर सिंह घलोक आए रहिन अऊ ओ मन अपन संग अपन बारी के ताजा गोंदली अऊ गोंदली भाजी एक टुकनी म सजाके लाए रहिन। डॉ. सिंह जब शिविर स्थल म गांव वाले मन ले मिलत रहिन, तब श्री भंवर सिंह ल घलोक उंखर ले मिले के मौका मिलीस। श्री भंवर सिंह ह अड़बड़ अपनापन के संग प्रदेश के मुखिया डॉ. सिंह ल गोंदली अऊ भाजी भेंट करिन। मुख्यमंत्री ह बड़ आत्मीयता के संग ए भेंट ल स्वीकार करत ओ मन ल धन्यवाद दीन। ग्राम कुडुमकेला के सियान किसान श्री कोमल सिंह ह घलोक अपन खेत के कलिंदर अऊ केरा भेंट करिन। किसान मन के अपनापन देखके मुख्यमंत्री भावुक हो गें। डॉ. सिंह ह किसान मन ले उंखर खेती-बाड़ी के उन्नति के बारे म जानकारी घलोक लीन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments