खाद्यमंत्री ह गांव वाले मन के लगाईन चौपाल

मुंगेली, 22 मार्च 2018। खाद्य नागरिक अउ उपभोक्ता संरक्षण मंत्री श्री पुन्नूलाल मोहले ह लोक सुराज अभियान 2018 लक्ष्य समाधान के अंतर्गत तीसर चरण म मंगलवार के दिन मुंगेली विकासखण्ड के ग्राम सुरदा म आयोजित समाधान शिविर म उपस्थित होइन। उमन गांव वाले मन के चौपाल लगाईन अउ मनखे मन के समस्या सुनिन। उमन अधिकारी मन ले पेयजल, सड़क, विद्युत, खाद्यान्न वितरण, घर निर्माण अउ मजदूरी भुगतान आदि के जानकारी लीन। पेयजल समस्यामूलक गांव म पावर पम्प लगाए बर लोक स्वास्थ्य यांत्रिकी विभाग के कार्यपालन अभियंता ल निर्देश देहे गीस। जऊन गांव मन बर विद्युत खम्भा अऊ ट्रांसफार्मर लगाए के स्वीकृति मिले हे उहां ट्रांसफार्मर लगाए बर विद्युत विभाग के कार्यपालन अभियंता ल निर्देश देहे गीस। खाद्यमंत्री ह समाधान शिविर म ग्राम संगवाकापा के श्रीमती पूर्णिमा साहू ल सड़क दुर्घटना के तहत 25 हजार रूपिया के सहायता राशि के चेक प्रदान करिन। उमन तहसीलदार ले बंटवारा, सीमांकन, फौती, रिकार्ड दुरूस्ती, नक्शा खसरा के जानकारी लीन। तहसीलदार ह बताइस कि लोक सुराज म बंटवारा के 24, सीमांकन के 2, फौती के 4 आवेदन प्राप्त होए रहिस। सीमांकन के 2 अऊ रिकार्ड दुरूस्ती के 2 आवेदन मन के निराकरण करके आवेदक ल सूचित करे गए हे। तीन किसान ल ऋण पुस्तिका प्रदान करे गीस। खाद्यमंत्री ह कहिन कि लंबित आवेदन के जल्‍दी ले जल्‍दी निराकरण करव।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments