मुख्यमंत्री सामिल होइन नगरा गांव के समाधान शिविर म

रायपुर 14 मार्च 2018। मुख्यमंत्री डॉ. रमन सिंह प्रदेश व्यापी लोक सुराज अभियान के तहत् आज बलरामपुर-रामानुजगंज जिला के विकासखण्ड रामचन्द्रपुर के ग्राम नगरा के समाधान शिविर म अचानक पहुंचिन। उमन गांव वाले मन के मांग म गांव म सिंचाई नहर विस्तार काम अउ मुख्य सड़क ले नगरा तक सड़क मरम्मत अउ ग्राम पंचायत नगरा के दू वार्ड मन म सी.सी. सड़क निर्माण कराए के घोषणा करिन। डॉ. सिंह ह कहिन कि लोक सुराज अभियान म गांव वाले मन अऊ प्रशासन के अधिकारी-कर्मचारी मन के संग बेहतर तालमेल बनाके शासन के जनकल्याणकारी योजना मन के बेहतर क्रियान्वयन के प्रयास करे जात हे। मुख्यमंत्री ह लोक सुराज अभियान के तहत आयोजित ए शिविर म आजीविका ग्रामीण एक्सप्रेस योजनान्तर्गत 21 ग्राम संगठन के महिला समूह मन ल बैट्री चलित ऑटो अउ प्रधानमंत्री उज्ज्वला योजना के हितग्राही मन ल रसोई गैस कनेक्शन के वितरण करिन। उमन मात्रात्मक गलती के कारण जाति प्रमाण पत्र ले अब तक वंचित जनजाति के मनखे मन ल नवा अधिसूचना के अनुसार जाति प्रमाण पत्र वितरित करिन।
ए अवसर म विधायक श्री बृहस्पत सिंह, मुख्य सचिव श्री अजय सिंह, प्रभारी सचिव श्री एन.के. खाखा, मुख्यमंत्री सचिवालय के विशेष सचिव श्री मुकेश बंसल, जनसम्पर्क विभाग के विशेष सचिव श्री राजेश सुकुमार टोप्पो, कलेक्टर श्री अवनीश कुमार शरण, पुलिस अधीक्षक श्री टी.आर. कोसिमा, संग बहुत अकन जनप्रतिनिधि, वरिष्ठ अधिकारी अउ बड़ संख्या म ग्रामीणजन उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments