लोक स्वास्थ्य यांत्रिकी मंत्री श्री पैकरा के अध्यक्षता म समीक्षा बैठक

रायपुर, 07 मार्च 2018। गृह अउ लोक स्वास्थ्य यांत्रिकी मंत्री श्री रामसेवक पैंकरा ह आज इहां मंत्रालय म प्रदेश के पेयजल व्यवस्था के विस्तार ले जिलेवार समीक्षा करिन। उमन सबो अधिकारी मन ल गर्मि म पेयजल व्यवस्था ल चुस्त-दुरूस्त बनाए रखे बर सख्त निर्देश दीन। उमन ये घलोक निर्देशित करिन कि बिगड़े हेंडपम्प के सूचना मिले म ओखर 36 घंटा के भीतर हर-हालत म सुधार सुनिश्चित हो जाय।
श्री पैंकरा ह सबो विभागीय अधिकारी मन ल अपन-अपन क्षेत्र म नियमित रूप ले भ्रमण करत पेयजल व्यवस्था म निगरानी रखे बर निर्देशित करिन। एमां दूर-दराज आदिवासी बहुल इलाका मन म घलोक पेयजल व्यवस्था के विशेष ध्यान रखे बर कहिन। संगेच ए मन ल क्षेत्र म भ्रमण के समय ग्राम-पंचायत मन के सरपंच मन ले घलोक अनिवार्य रूप ले भेंट करके उहां पेयजल व्यवस्था के जानकारी लेहे के जरूरी निर्देश दीन। श्री पैकरा ह प्रदेश म सुदृढ़ पेयजल व्यवस्था बर ए महीना के 16 तारीक ले शुरू होवत ’’विशेष हेंडपम्प संधारण पखवाड़ा कार्यक्रम’’ के सफल आयोजन के संबंध म घलोक विभागीय अधिकारी मन ल निर्देशित करिन। ये 15 दिन के कार्यक्रम अधीक्षण अभियंता के निगरानी म राज्य के जम्‍मो जिला मन म 31 मार्च तक चलाए जाही। ए अवसर म प्रमुख अभियंता लोक स्वास्थ्य यांत्रिकी श्री टी.जी. कोसरिया संग विभाग के मुख्य अभियंता, अधीक्षण अभियंता अउ कार्यपालन अभियंता उपस्थित रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments