धर्मेन्द्र कुमार घलोक कर सकही अपन गांव के गली मन के सैर

रायपुर, 17 मार्च 2018। मुख्यमंत्री डॉ. रमन सिंह के हाथ आज दुर्ग जिला के थनौद गांव म लोक सुराज अभियान के तहत आयोजित समाधान शिविर म दिव्यांग श्री धर्मेन्द्र कुमार ल ट्रायसायकल मिलीस। दूनो पैर ले निःशक्त श्री धर्मेन्द्र कुमार चले-फिरे म असमर्थ हे। अइसन म ओला परिवार के कोनो आन मनखे मन के मदद लेहे ल परथे। वो घरे रहिके समय व्यतीत करत हे। गांव म चहल-पहल देखके ओखर मन म घलोक गांव के गली मन के सैर करे के होथे। फेर ट्रायसायकल के अभाव म वो पूरा समय घरे म व्यतीत करे ल मजबूर रहिथे। आज ओखर ये दुख दूर हो गीस, अब वो घलोक आन मनखे मन के जइसे अपन ट्रायसायकल म बइठके गांव के गली मन के सैर कर सकही। समाज कल्याण विभाग कोति ले समाधान शिविर म 5 मनखे मन ल ट्रायसायकल प्रदाय करे गीस। अब दिव्यांग घलोक ट्रायसायकल म बइठके कहू भी आ-जा सकहीं।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments