अबूझमाड़ म बोहाए लगे हे विकास के गंगा: मंत्री श्री केदार कश्यप

चार सड़क अऊ छै पुलिया निर्माण बर एक करोड़ ले जादा राशि मंजूर
माड़ के सूखा प्रभावित ढाई हजार ले जादा किसान मन के खाता म छियासठ लाख ले जादा राशि जमा


नारायणपुर 22 मार्च 2018। लोक सुराज अभियान के 10वां दिन आदिम जाति विकास मंत्री श्री केदार कश्यप नक्सल हिंसा पीड़ित नारायणपुर जिला के ओरछा विकासखण्ड मुख्यालय म आयोजित समाधान शिविर पहुंचिन। कलेक्टर श्री टोपेश्वर वर्मा ह उन्‍हां मंत्री के आत्मीय स्वागत करिन। मंत्री श्री केदार कश्यप ह शिविर म मनखे मन ल संबोधित करत कहिन कि अबूझमाड़ जइसे पिछड़ा इलाका म विकास के अभूतपूर्व काम होए हे। माड़ म विकास के एक तरफा गंगा बोहाए लगे हे। इलाका म हर तरफ विकास के झलक दिखाई देहे लगे हे। उमन कहिन कि पहिली मनखे इलाका म आए ले भय खात रहिन फेर अब बाहरी मनखे घलोक इंहा के प्रकृति के भरपूर आनंद लेवत हें। ये काम आप मन सबके सक्रिय भूमिका अऊ राज्य सरकार के बेहतर योजना मन के परिणाम से हे। श्री केदार कश्यप ह ओरछा संग क्षेत्र के कई ठन गांव मन बर एक करोड़ एक लाख 21 हजार ले जादा निर्माण कार्य मन के तुरंते मंजूरी देहे के घोषणा करिन। उमन कहिन कि शिक्षा, स्वास्थ्य के अलावा विद्युतीकरण म घलोक इलाका म तेजी ले काम होवत हे। ओरछा ब्लाक म सौर सुजला योजना ह किसान मन अउ ऊंखर परिवार ल बिजली के बिल ल मुफ्त कर देहे हे। उमन कहिन कि किसान मन के खेत मन ले ए योजना ले सिंचाई के समुचित व्यवस्था होवत हे। सोलर पेयजल पंप ले गांव म पीए के बहुत पानी मिलत हे। एखर से अब इलाका के पेयजल के समस्या घलोक दूर होवत हे। उमन कि ओरछा ब्लाक के सूखा प्रभावित 2 हजार 586 किसान मन ल अनुदान सहायता राशि 66 लाख 5 हजार रूपया सीधा ऊंखर बैंक खाता म जमा करे गए हे। राज्य सरकार किसान मन के बेहतरी बर वचनबद्ध हे।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">

Post a Comment

0 Comments