श्री राकेश चतुर्वेदी जी ह जिन्दल स्टील कोति ले प्रायोजित राज्य स्तरीय शूटिंग स्पर्धा के करिन उदघाटन

रायपुर, चौथा बटालियन के माना स्थित शूटिंग रेंज मे आज भिनसरहा राज्य स्तरीय शूटिंग स्पर्धा के  उद्घाटन राज्य के प्रधान मुख्य वन संरक्षक श्री राकेश चतुर्वेदी जी ह करिस। ये बेरा म उमन ये खेल के प्रायोजक जिंदल स्टील के सुग्‍घरउदीम ल सहराइन। अध्यक्ष प्रदीप टंडन जी ल इंगित करत उमन खेल ल राज्य मे निरन्तरता देहे बर जिंदल के सराहना घलोक करिन अऊ साधुवाद घलोक दीन। श्री राकेश चतुर्वेदी जी असोसिएशन के सुग्‍घर उदीम के अहमियत ल बतावत खेल भावना के महत्व ल तको बताइन। एमा भाग लेवईया मन ल बढि़या अउ जबर प्रदर्शन करे बर शुभकामना घलोक दीन। येकर पाछू संघ के सचिव श्री राकेश गुप्ता ह धन्यवाद ज्ञापित करिन।

प्रतियोगिता म भाग लेहे बर ये साल ले खिलाड़ी मन ल शूटिंग असोसीएशन कोति ले ऑन लाइन पंजीयन करे के व्यवस्था दिए गए रहिस  हे। ये प्रतियोगिता 21 अगस्त तक चलही। इहां ले सफल होवइया खिलाड़ी मन आसनसोल म होवईया प्रीनेशनल प्रतियोगिता म भाग लेहीं।

Post a Comment

0 Comments